عن كلينيفيا

فكرة كلينيفيا بدأت من أحاديثنا مع أخصائيات تغذية عن تفاصيل شغلهم اليومي: تحضير الخطط، تنظيم الملفات، ومتابعة المراجعين.

تحضير الخطة فيه شغل متكرر: نسخ أطعمة بين ملفات Word، تعديل الكميات، ومراجعة السعرات والقيم الغذائية. ومع كل تعديل، بترجعي تتأكدي من الحسابات وترتّبي نسخة واضحة للمراجع.

ولما تكون القياسات بملف، والخطة بملف تاني، وملاحظات المتابعة بمحادثة واتساب، بتحتاجي ترجعي لأكثر من مكان لتلاقي تفاصيل المراجع. هالشغل بياخذ من الوقت اللي بدك تخصّصيه للجلسة والمتابعة.

عيادة التغذية عنا بحاجة لأداة مريحة بالعربي، وأطعمة مألوفة للمراجع، وخطة واضحة يقدر يستخدمها بيومه. تفاصيل مثل المجدرة والمقلوبة، والكميات اللي بنستخدمها بالبيت، إلها مكان بالخطة.

وجود برامج كثيرة ما بيعني إنك بسهولة بتلاقي اللي بناسبك. الأداة لازم تكون واضحة، وتناسب طريقة شغلك، وتسهّل يومك بدل ما تضيف عليكِ عبء جديد.

من هون بدأنا نبني كلينيفيا: مساحة عمل بالعربي، بنراعي فيها طريقة شغل عيادات التغذية عنا، من اختيار الأطعمة وتعديل الكميات، لحدّ مشاركة الخطة ومتابعة المراجع.